گورنرسندھ عمران اسماعیل سے ایسوسی ایشن آف بلڈرز اینڈ ڈیویلپرز کے 15 رکنی وفد کی محسن شیخانی کی سربراہی میں گورنرہاﺅس میں ملاقات
وفد نے کنسٹرکشن انڈسٹری کو درپیش چیلنجز اور دیگر مسائل سے آگاہ کیااور تجاویز بھی پیش کیں
ماضی میں ملک کے دیگر صوبوں کی طرح کراچی سمیت سندھ کے دیگر شہروں کے لئے ریگولرازیشن کی حکمت عملی مرتب کی جائے۔ ریگولرائزیشن پالیسی کے تحت ریگولرائزیشن کمیشن کا قیام ناگزیر ہے۔ وفد کی جانب سے تجویز
کنسٹرکشن کے حوالے سے بلڈنگ این او سی اوراپروول پروسیجرز ون ونڈو آپریشن کے تحت ممکن بنایا جائے۔ وفد کی جانب سے تجویز
ون ونڈو آپریشن پر عملدرآمد سے پروجیکٹ مکمل ہونے پر بلڈرز اور رہائشیوں کو بعد میں کسی بھی قسم کی پریشانی کا سامنا نہیں ہوگا۔ آباد وفد
نسلہ ٹاور کے مکین جس پریشانی سے گذر رہے ہیں اسے انسانی بنیادوں پر دیکھا جائے۔ نسلہ ٹاور کے رہائشیوں کی بحالی کے لئے کوئی حکمت عملی تیار کی جائے۔ آباد وفد
وفد نے وزیراعظم سے ملاقات کی خواہش کا اظہار کیا جس پر گورنرسندھ نے جلد ملاقات کرانے کی یقین دہانی کرائی

Mehfil-e-Millad held at Governor House Sindh

Mehfil-e-Millad held at Governor House Sindh

گورنرسندھ عمران اسماعیل کی میزبانی میں گورنرہاﺅ س میں محفل میلاد ﷺ کا اہتمام
ملک کی سلامتی، استحکام اورخوشحالی کے لئے دعائیں اوردرود شریف کے فضائل بیان کئے گئے

کراچی ( اکتوبر10 )
گورنرسندھ عمران اسماعیل کی میزبانی میں گورنرہاﺅس میں محفل میلاد ﷺ کا اہتمام کیا گیا۔ اس موقع پر وزیراعظم کے معاون خصوصی محمود مولوی، سیلانی ویلفیئر ٹرسٹ کے علامہ مولانا بشیر احمد فاروقی، اراکین قومی اسمبلی فہیم خان، آفتاب جہانگیر، غزالہ سیفی، آفتا ب صدیقی، جے پرکاش، اراکین صوبائی اسمبلی فردوس شمیم نقوی، جمال صدیقی، کریم بخش گبول، شہزاد قریشی، راجہ اظہر، ریاض حیدر، شاہ نواز جدون، دیوان سچل، سنجے گنگوانی سمیت دیگر بھی شریک تھے۔ محفل میلاد ﷺ میں حضور اکرم ﷺ کو نذرانہ عقیدت پیش کرنے کے لئے نعت خواہوں نے نعت رسول کریمﷺ پیش کیں۔ محفل میلاد ﷺ میں درود شریف کے فضائل، اہمیت اور اس کے تقاضوں سے شرکاءکو آگاہ کیا۔ مولانا بشیر فاروقی نے ملک کی سلامتی، استحکام اورخوشحالی کے لئے دعائیں کیں اور درود شریف کے فضائل بیان کرتے ہوئے کہا کہ درود شریف ہر مسلمان کو کثرت سے پڑھنا چاہئے اس کے پڑھنے سے تنگ دستی کا خاتمہ اور خوشحالی و ترقی ہوتی ہے، ربیع الاول کے مقدس ماہ میں زیادہ سے زیادہ درود شریف پڑھنے کا اہتمام کریں۔ محفل میلاد ﷺ کے اختتام پر شرکاء نے اسلام آباد میں عشرہ رحمت العالمین ﷺ کی مرکزی تقریب سے وزیراعظم پاکستان عمران خان کا خطاب بذریعہ و لنک سنا۔ وزیراعظم نے سیرت النبی ﷺکے مختلف پہلوﺅں اور اتباع رسول ﷺ میں ریاست مدینہ کے قیام کے حوالے سے تفصیلی روشنی ڈالی۔