گورنر سندھ عمران اسماعیل کا این ای ڈی یونیورسٹی آف انجینئرنگ اینڈ ٹیکنالوجی کے 28 ویں کانووکیشن کی پروقار تقریب سے خطاب
ادارے کے فارغ التحصیل طلبا نہ صرف پاکستان سمیت دیگر ممالک کے اہم عہدوں پر خدمات انجام دے رہے ہیں۔
موجودہ حکومت کی بہترین معاشی پالیسی کے ثمرات عوام تک پہنچنا شروع ہوگئے۔
بین الاقوامی معاشی ادارے کی رپورٹ کے مطابق 2024ءمیں دنیا کی 70 فیصد معیشت کادارومدار جن 20 ممالک پر ہوگا اس میں پاکستان بھی شامل ہے۔
ہنر مند اور تعلیم یافتہ نوجوانوں کو اپنا کاروبار شروع کرنے کے لئے کامیاب نوجوان پروگرام کا آغاز کیا۔
جس کے تحت نوجوان انٹرپرینیورز کو آسان شرائط اور بلا سود قرضے فراہم کئے جارہے ہیں۔
کاروبار میں آسانیاں فراہم کرنے والے ممالک کی درجہ بندی میں کئی درجے بہتری ظاہر کرتی ہے کہ موجودہ حکومت پر بین الاقوامی سرمایہ کاروں کا اعتماد بڑھا ہے۔
این ای ڈی کا سی پی ای سی یونیورسٹیوں کے کنسورشیم کے ذریعہ چینی شہر کی نامور جامعات کے ساتھ قریبی روابط کا قائم ہونا خوش آئند امر ہے۔
ہمارے ملک کی ترقی کا دارومدار جامعات سے فارغ التحصیل ہونہار ، قابل اور با صلاحیت طلباءو طالبات کے ساتھ جڑا ہوا ہے۔
یونیورسٹیز اعلی تعلیم ، تحقیق اور ترقی کے مراکز ہوتے ہیں جن کا براہ راست اثر قومی معیشت پر پڑتا ہے۔
این ای ڈی یونیورسٹی نے قومی چیلنجوں کو مدنظر رکھتے ہوئے واٹر انسٹی ٹیوٹ کا قیام عمل میں لایا
قومی انکیوبیشن سینٹر کا قیام بھی عمل میں لایا جو کہ تخلیقی کاموں کے حوالے سے ایک بہترین پلیٹ فارم ثابت ہوگا۔
فارغ التحصیل طلبا اپنی صلاحیتوں کو بروئے کار لاتے ہوئے ملک کی تعمیر و ترقی میں اپنا بھرپور حصہ ڈالیں۔
حکومت این ای ڈی یونیورسٹی کو تعلیمی منصوبوں ، تحقیق اور ترقیاتی پروگرامز میں مدد فراہم کرنے میں معاونت جاری رکھے گی۔ گورنر سندھ کی یقین دہانی
اس موقع پر وفاقی وزیر برائے تعلیم و پروفیشنل ٹریننگ شفقت محمود، چیئرمین پاکستان انجینئرنگ کونسل انجینئر جاوید سلیم قریشی، طلباو طالبات اور ان کے والدین کی بڑی تعداد نے شرکت کی۔
جلسہ تقسیم اسناد2019 میں 13طالب علموں کو ڈاکٹریٹ کی سند سے نوازا گیا۔ وائس چانسلر
27طالبا و طالبات میں گولڈ میڈلز تقسیم کیے گئے۔ ڈاکٹر سروش حشمت لودھی
جامعہ این ای ڈی سے اس برس پاس آؤٹ گریجویٹس کی تعداد 2113 جبکہ ماسٹرز کی تعداد 843 ہے۔ وائس چانسلر

A delegation led by President All City Tajir Itehad Hammad Poonawal called on Governor Imran Ismail today at Governor House.

A delegation led by President All City Tajir Itehad Hammad Poonawal called on Governor Imran Ismail today at Governor House.

آل سٹی اتحاد کے صدر حماد پونا والاکی زیر سربراہی 10 رکنی وفد کی گورنرسندھ سے ملاقات

تاجروں کے مسائل سے تفصیلی آگاہ کیا ۔ گورنرسندھ کی یقین دہانی پرآل سٹی تاجر اتحاد نے 19جون کی شٹر ڈاون ہڑتال کی کال واپس لے لی

کراچی ( جون 17 )

  آل سٹی اتحاد کے صدر حماد پونا والاکی زیر سربراہی 10 رکنی وفدنے گورنرہاﺅس میں گورنرسندھ عمران اسماعیل سے ملاقات کی ۔ ملاقات میں وفد نے اپنے خدشات اور مسائل کے حوالے سے تفصیل سے آگاہ کیا ۔ گورنرسندھ کے مسائل کے حل کی مکمل یقین دہانی کے بعد آل سٹی اتحاد کی جانب سے 19 جون کو دی جانے والی شٹر ڈاون ہڑتال کی کال واپس لینے کا اعلان بھی کیا ۔ اس موقع پر گورنرسندھ نے تاجر برادری کی جانب سے ہڑتال کی کال واپس لینے پر ان کا شکریہ ادا کرتے ہوئے کہاکہ موجودہ حکومت تاجروں کے مسائل کو ترجیحی بنیادوں پر حل کرررہی ہے تاکہ ملکی معاشی صورتحال کو مزید مستحکم کیا جا سکے ۔ انہوں نے کہا کہ معاشی ترقی میں تاجروں کا اہم کردار رہا ہے با الخصوص کراچی کے تاجروں نے انتہائی نا مناسب حالات میں بھی اپنی کاروباری سرگرمیاں جاری رکھ کر قومی معیشت کو سہارا دیا جسے پوری قوم قدر کی نگاہ سے دیکھتی ہے ۔ انہوں نے کہا کہ تاجروں کے مسائل کے حل کے لئے متعلقہ حکام سے رابطہ کرکے انھیں جلد از جلد حل کرنے کی بھرپو ر کوشش کروں گا تاکہ معاشی سرگرمیاں بغیر کسی رکاوٹ کے جاری رہ سکیں ۔ وفد کے سربراہ حماد پونا والا نے تاجروں کے مسائل تفصیل سے سننے پر گورنرسندھ کا شکریہ ادا کرتے ہوئے کہا کہ اسی وژن اور لگن سے قومی معیشت کو مزید ترقی دی جا سکتی ہے ، تاجر برادری موجودہ حکومت کو اپنے مسائل کے حل کا واحد ذریعہ سمجھتی ہے امید ہے کہ موجودہ حکومت تاجر برادری کے مسائل کو ترجیحی بنیادوں پر جلد از جلد حل کرے گی ۔