گورنر سندھ عمران اسماعیل کا این ای ڈی یونیورسٹی آف انجینئرنگ اینڈ ٹیکنالوجی کے 28 ویں کانووکیشن کی پروقار تقریب سے خطاب
ادارے کے فارغ التحصیل طلبا نہ صرف پاکستان سمیت دیگر ممالک کے اہم عہدوں پر خدمات انجام دے رہے ہیں۔
موجودہ حکومت کی بہترین معاشی پالیسی کے ثمرات عوام تک پہنچنا شروع ہوگئے۔
بین الاقوامی معاشی ادارے کی رپورٹ کے مطابق 2024ءمیں دنیا کی 70 فیصد معیشت کادارومدار جن 20 ممالک پر ہوگا اس میں پاکستان بھی شامل ہے۔
ہنر مند اور تعلیم یافتہ نوجوانوں کو اپنا کاروبار شروع کرنے کے لئے کامیاب نوجوان پروگرام کا آغاز کیا۔
جس کے تحت نوجوان انٹرپرینیورز کو آسان شرائط اور بلا سود قرضے فراہم کئے جارہے ہیں۔
کاروبار میں آسانیاں فراہم کرنے والے ممالک کی درجہ بندی میں کئی درجے بہتری ظاہر کرتی ہے کہ موجودہ حکومت پر بین الاقوامی سرمایہ کاروں کا اعتماد بڑھا ہے۔
این ای ڈی کا سی پی ای سی یونیورسٹیوں کے کنسورشیم کے ذریعہ چینی شہر کی نامور جامعات کے ساتھ قریبی روابط کا قائم ہونا خوش آئند امر ہے۔
ہمارے ملک کی ترقی کا دارومدار جامعات سے فارغ التحصیل ہونہار ، قابل اور با صلاحیت طلباءو طالبات کے ساتھ جڑا ہوا ہے۔
یونیورسٹیز اعلی تعلیم ، تحقیق اور ترقی کے مراکز ہوتے ہیں جن کا براہ راست اثر قومی معیشت پر پڑتا ہے۔
این ای ڈی یونیورسٹی نے قومی چیلنجوں کو مدنظر رکھتے ہوئے واٹر انسٹی ٹیوٹ کا قیام عمل میں لایا
قومی انکیوبیشن سینٹر کا قیام بھی عمل میں لایا جو کہ تخلیقی کاموں کے حوالے سے ایک بہترین پلیٹ فارم ثابت ہوگا۔
فارغ التحصیل طلبا اپنی صلاحیتوں کو بروئے کار لاتے ہوئے ملک کی تعمیر و ترقی میں اپنا بھرپور حصہ ڈالیں۔
حکومت این ای ڈی یونیورسٹی کو تعلیمی منصوبوں ، تحقیق اور ترقیاتی پروگرامز میں مدد فراہم کرنے میں معاونت جاری رکھے گی۔ گورنر سندھ کی یقین دہانی
اس موقع پر وفاقی وزیر برائے تعلیم و پروفیشنل ٹریننگ شفقت محمود، چیئرمین پاکستان انجینئرنگ کونسل انجینئر جاوید سلیم قریشی، طلباو طالبات اور ان کے والدین کی بڑی تعداد نے شرکت کی۔
جلسہ تقسیم اسناد2019 میں 13طالب علموں کو ڈاکٹریٹ کی سند سے نوازا گیا۔ وائس چانسلر
27طالبا و طالبات میں گولڈ میڈلز تقسیم کیے گئے۔ ڈاکٹر سروش حشمت لودھی
جامعہ این ای ڈی سے اس برس پاس آؤٹ گریجویٹس کی تعداد 2113 جبکہ ماسٹرز کی تعداد 843 ہے۔ وائس چانسلر

Governor Imran Ismail Wishes Eid Mubarak May Allah bless us with the blessings of this day. And I request everyone to please don’t forget to reach out those in need. A very happy Eid Mubarak.

Governor Imran Ismail Wishes Eid Mubarak May Allah bless us with the blessings of this day. And I request everyone to please don’t forget to reach out those in need. A very happy Eid Mubarak.

عید الفطر کے پر مسرت موقع پر گورنرسندھ عمران اسماعیل کا تہنیتی پیغام

کراچی ،

گورنر سندھ عمران اسماعیل نے عید الفطر کے موقع پر اپنے پیغام میں کہا ہے کہ رمضان المبارک کی برکت بھری ساعتوں کے اختتام پر عید کا یہ تہوار تمام پاکستانیوں کے لئے مسرت و شادمانی کا باعث ہے۔ انہوں نے کہا کہ ورلڈ کپ میں انگلینڈ کو ہرانے سے اس عید کا لطف دوبالا ہوگیا ہے۔ ملک کے ہر ہر کونے میں ٹیم کی کامیابی کا جشن منایا جارہا ہے اور پوری قوم مسرت کا یہ موقع فراہم کرنے پر پاکستانی ٹیم کے لیے دعا گو ہے۔ گورنر سندھ نے کہا کہ عید کے اس پرمسرت موقع پر مستحق اور نادار افراد کو خوشیوں میں شریک کرنا ہی اصل عید ہے۔ وسائل نہ رکھنے والے افراد کے ہونٹوں پر مسکراہٹ بکھیرنے سے عید کے لطف کو دوبالا کیا جاسکتا ہے۔ آئےے آج اس بات کا عہد کریں کہ رمضان المبارک میں جس طرح ہم سب نے اپنے رب کے حضور عبادات کا نذرانہ پیش کیا اسے جاری رکھیں گے کیونکہ یہی رمضان المبارک کا پیغام ہے۔ گورنر سندھ کہا کہ پاکستان کی تعمیر و ترقی کا جو خواب بابائے قوم نے دیکھا تھا اسے پورا کرنا ہم سب کی ذمہ داری ہے۔ آج کے دن ہمیں عزم کرنا ہے کہ وہ رویے اپنائیں کہ ہر آنے والا ماہ و سال صوبے اور وطن عزیز کے لئے خوش حالی کا پیغام لائے ۔ 

گورنر سندھ نے کہا کہ رمضان المبارک میں امن و امان کو یقینی بنانے اور فول پروف سکیورٹی انتظامات کرنے پر قانون نافذ کرنے والے ادارے بشمول رینجرز اور پولیس خصوصی مبارکباد کے مستحق ہیں جنہوں نے مارکیٹوں ، شاپنگ مالز اور دیگر عوامی مقامات پر عوام کے بے پناہ رش کے باوجود سکیورٹی کو یقینی بنایا۔ گورنر سندھ نے صوبہ کے عوام کی جانب سے قانون نافذ کرنے والے اداروں کا شکریہ بھی اداکیا.